KORONADAL CITY- Ginapangita na sa karon sang mga otoridad ang anom ka mga armado nga nakasuksok pa sang police uniform makaligad nga ginholdap ang isa ka pawnshop sa KOronadal.
Sa interbyu sang Bombo Radyo Koronadal kay PLt.Col. Amor Mio Somine, hepe sang Koronadal City PNP, alas-11:45 Miyerkules sang aga sang ginsulod sang mga armado ang Agencia Brillantes sa Osmena Street, Barangay Zone 2, Koronadal City kag ginkuha ang mga alahas kag cash sang pawnshop.
Hindi suno pa nagduda ang mga guwardiya sa pawnshop bangud nagpakilala ini nga mga pulis kag nagpahayag nga sila ang magapansang at sang warrant of arest.
Apang makaligad nga dis-armahan ang guwardiya ang gilayon nga nagdeklara sang holdap kag ginkuha ang mga nakadisplay nga jewelry kag kwarta kaha.
Gilayon naman nga nakatakas ang mga suspek sakay sang motor dala ang wala pa nahibaluan nga balor sang mga alahas kag kwarta.
Sa ginlunsar nga follow up operation sang pulisya, isa ka bag nga may unod sang mga bayo kag karton sang alahas narekober sa gilid sa National Higway, Barangay Saravia, Koronadal City.
Samtang, nakwaan naman sang CCTV footages ang mga suspek nga nagsulod sa nasambit nga pawnshop.
Samtang kahapon , Pebrero 22, may nakit an man nga motor sa may bahin sang Odi St. nga dako man ang pagpati sang mga otoridad nga ini salakyan sang mga suspek sa pagpangholdap.
