Nadangat na sa 19 katawo ang napatay bangod sa malapnagon nga kilos protesta sa pungsod Nepal.
Ginkaakig sang mga residente labi na sang mga kabataan ang ginhimo nga pagpasara sang gobyerno sang social media amo man ang malapnagon nga kurapsyon.
Nagamit naman sang tear gas kag rubber bullets ang mga otoridad bangod sa paghana nga pag-atake sang mga protesters sa parliament building.
Magalab-ot naman sa 100 katawo kalakip ang mga kapulisan ang nagpagkit sang pilas bangod sa insidente.
Madumduman nga nagtuga sang kaakit halin sa kabataan ang pagdesisyon sang gobyerno nga i-block ang access sa mga social media platforms kun sa diin 90 percent sang masobra na 30 milyon katawo sa Nepal ang nagagamit sang internet kag social media.
Paathag sang gobyerno sa ila nga ginpatuman ang pagdumili sa paggamit sang social media bangod napaslawan ini nga irehistro sa mga otoridad bangod sa mali nga paggamit kalakip ang mga pagdamo sang mga troll accounts nga nagapakalat sang mga fake news kag scams.
