KORONADAL CITY- Nakarekober pa sang tatlo nga patay nga ginapatihan nga mga myembro sang New People’s Army ang militar sa ginpatigayon nga clearing operation kasunod sang engkwentro sang 27th IB kag 33rd IB batuk sa NPA.
Sa interbyu sang Bombo Radyo Koronadal kay 2nd Lt. Col. Ranjan Palacio, tigpamaba sang 27th IB, ginkumpirmar sini nga nagsaka na sa siyam ang patay sa nasambit nga engkwentro kun sa diin ang kabug-usan nga pito gikan sa NPA kag duha gikan sa 27th IB nga ginkilala kanday PFC Jovanie Tagactac at PFC Jay Lord Fernando.
Kaangot sini, nagpanindugan ang opisyal nga sarang suno pa pamatud-an sang mga soldado nga lehitimo nga NPA ang mga napatay sa engkwentro matapos nga ginreklamo sa Bombo Radyo nga indi myembro sang NPA ang isa ka pamilya nga napatay.
Samtang gintawag sang opisyal nga isa ka dako nga katontohan ang ginpalab-ot nga impormasyon nga ginbombahan sang militar ang panimalay sang ginasiling nga mga lumad bangud wala suno pa ini sang kamatuoran bangud sila ang nagasunod sa layi.
Sa subong nagbalakwit anay ang mga residente sa Sitio Saltek, Brgy. Ned, Lake Sebu bangud sa nasambit nga kinagamo.
