Nagsaka na sa 51 ang migrante nga nasapwan nga patay sa sulod sang 18-wheeler truck sa San Antonio, Texas.
Ini ang ginkumpirmar ni Bombo International Correspondent Pinoy Gonzales sang Texas, USA sa interview sang Bombo Radyo Koronadal.
Suno kay Pinoy, magluwas sa mga napatay may nasapwan pa nga mga yara sa kritikal nga kondisyon nga gindala sa Baptist medical Center, Texas Vista Medical Center kag University Hospital..// Wala naman suno pa nadakpan ang driver sang truck bangud gilayon ini nga nagpalagyo.
Samtang, nagapadayon ang imbestigasyon sang mga otoridad sa mga responsable nga sindikato sap ag-transport kag pagpasulod sang mga migrants sa Texas.
Dako naman ang pagpati sang mga otoridad nga na-suffocate kag na-heat stroke ang mga biktima sa sulod sang trak bangud sa mainit nga panahon.
Una diri, ginabasol naman ni Texas Governor Greg Abbott si US President Joe Biden sa natabo nga pagkapatay sang mga undocumented migrants bangud ini suno pa ang nangin resulta sang iya ginhimo nga pagbukas sa mga border policies.
