Patay nga lawas sang lalaki, nakit-an sa Sitio Acfaon, Barangay Bunao, Tupi, South Cotabato

Nakit-an ang isa ka patay nga lawas sang lalaki sa bahin sang Sitio Acfaon, Barangay Bunao, Tupi, South Cotabato subong nga adlaw, Pebrero 24, 2025.

Ginkilala ang biktima nga si Jay-Ar Tampal, 13 anyos, kag residente sang Purok 3 Bunap, Tupi South Cotabato.

Sa inisyal nga imbestigasyon, ang biktima isa ka special child nga namissing humalin pa sang Pebrero 8, 2025.

Yara na sa state of decomposition ang biktima nga nagtuga sang pag-amoy sang patay niya nga lawas sa nasambit nga lugar.

Sa karon, padayon pa ang imbestigasyon sang awtoridad agud mahibal-an kun ano ang rason sang pagkapatay sang nasambit nga lalaki.