Nasapwan nga patay ang lawas sang lalaki, amo isa ka Municipal Head Coordinator ng Partido Federal ng Pilipinas sang President Quirino sa bahin sang Sitio Bagyang, Barangay Malangit, Pandag, Maguindanao del Sur subong nga adlaw, Abril 8, 2025.
Ginkilala ang biktima nga si Modesto Delfinado Tamayo, 57 anyos, residente sang Barangay Romualdez, President Quirino.
Suno sa imbestigasyon, si Tamayo gin-abduct sang mga suspek sakay sang isa ka puti nga van sa ila mismo balay pasado alas 6:00 sang hapon, kahapon.
Nasapwan na lamang ini nga wala na sang kabuhi sa Sitio Bagyang, Barangay Malangit, Pandag, Maguindanao del Sur, subong nga aga.
Suno sa mga residente, may mga pilas ukon agi sang ice-pick ang lawas sang biktima, kabangdanan nga ginapatihan nga ginpatay ini sa brutal nga paagi.
Padayon pa ang imbestigasyon sang mga otoridad agud matudlo ang responsable kag mahibaluan ang motibo sa brutal nga krimen.
