KORONADAL CITY – Yara na sa kustodiya sa karon sang Department of Social Welfare and Development ang duha ka mga menor de edad nga gina alegar nga ginikanan sang lapsag nga nasapwan na lamang sa isa ka lote sa banwa sang Polomolok, South Cotabato.
Ini ang kumpirmasyon ni Lt. Col Joseph Forro, Chief of Police sang Polomolok Municipal Police Station sa interbyu sang Bombo Radyo Koronadal.
Suno sa opisyal, patay na sang masapwan sang isa ka residente ang ginabulubanta nga 1 day old nga lapsap pasado alas 6:00 sang aga kagahapon nga adlaw sa isa ka bakante nga lote dira sa bahin sang Purok Paglaum,Brgy.Upper Klinan sa banwa sang Polomolok South Cotabato.
Sa nangin imbestigasyon pa sang mga otoridad, pasado alas 4:30 sang kaaganhon sang makita niya ang isa ka babayE kag lalaki nga nagpanaog sa isa ka single motor nga maydala nga isa ka karton kag ginhaboy sa hinambitan nga lote kag dalidali nga nagpaharurot sang ila ginamaniho nga single motor.
Pasado alas 5:00 na sang aga sang iya gintsekyar ang hinambitan nga karton kag tidto nakita ang isa ka patay nga lapsag nga naputos sa isa ka bedsheet.
Didto na natukiban ang bata kag sang ginbalikan ini sang naghaboy dala ang pala agud nga ilubong, ginreport ini sa kapulisan kag nadakpan.
Sa karon, nagapangatubang na sang kaso ng infanticide ang mga ginikanan sang lapsag.
