Patay ang isa ka ka lalaki sa bahin sang Tupi, South Cotabato kahapon nga adlaw Enero 16, 2025 alas 8:00 sang gab-i matapos mabuno-patay.
Ini ginkumpirma ni Police Lt. Richard Ho, Deputy Chief of Police, Tupi PNP.
Ginkilala sang mga otoridad ang biktima nga si alyas “Rafa” lalaki, 23 anyos, residente sang Barangay Juan Loreto Tamay sang Tupi South Cotabato.
Kag ang mga suspek ginkilala sanday alyas “Gar”, 25 anyos nga lalaki, may asawa kag isa ka mangunguma kag alyas “Jojo”, 18 anyos nga lalaki kag isa pa ka studyante kag mga lunsay residente sang nasambit man nga lugar.
Dugang pa gid ni Ho, magkapamilya ang mga nasambit suspek kag biktima.
Suno sa imbestigasyon, ang duwa ka suspek naga inom sang makahululubog nga ilimnon sa balay ni alyas “Lando” kag gin imbitar sini ang nasambit nga biktima.
Apang, sang madugay, may ara sang wala nag intiendihanay amo rason nga gin buno ni alyas “Gar” ang biktima sa left lower chest sini.
Pagkatapos sang pag buno, gin atake pa, gin sipa kag ginsumbag pa ni alyas “Jojo” suno pa ang biktima samtang nagapangayo na ang biktima sang bulig kuntani.
Samtang, pagkatapos sang krimen, nagpalagyo man ang mga suspek sa hindi mabal-an nga direksyon.
Nadala pa ang biktima sa balay-bululngan apang nabawian na ini sang kabuhi.
Sa subong nga adlaw, gin kumpirmar naman sang otoridad nga nag sungka na ang mga suspek kag pagasakaan sang nagakaangay nga kaso.
