Patay ang isa ka lalaki sang nalukpan sang granada sa bahin sang Sitio Condring, Marbel, Matalam, Cotabato antes pa ang bag-ong tuig sang Disyembre 31, 2024 pasado 11:50pm.
Ini ang gin kumpiramar ni PLT James Warren Caang, spokesperson sang Cotabato PNP.
Ginkilala ni Caang, ang biktima nga si Rommel Presto Cabeso, 32 years old, mangunguma may asawa residente sa nasambit nga lugar.
Suno sa iloy sang biktima, wala nagsulod ang iya bata sa peryahan apang nag-agi lang ini sang hinali naigo sang palupok sang granada.
Suno naman kay Caang, si Cabeso gid ang target bangud ginsugid suno pa ni Cabeso ining mga suspek sa otoridad nga imbolbado sa iligal nga droga.
Nakapagkit ini sang madamo nga pilas amo naging tunaan sang iya kamatayon kag gina tan-aw pa kung ano nga klase sang Granada ang gin gamit sang mga suspek.
Nagpanawagan man si Caang, nga mangin bigilante kag mag report sa mga kapulisan kung may makit-an nga hindi komportable sa palibot.
Kag sa karon, padayon gihapon ang imbestigasyon sa pag lantaw sang mas madalom pa nga disposisyon sa mga suspek batok sa pagpanghaboy sang Granada, pag ka imbolbado sa iligal nga droga kag iban pa nga mga krimen.
