Dako ang pagpati sang kapulisan nga nagapanago sa idalom sang duta si Kingdom of Jesus Christ (KOJC) leader Pastor Apollo Quiboloy.
Ini ang ginpahayag ni Police Regional Office 11 Director PBGen. Nicolas Torre III matapos ang ginhimo nga pagsulod kag pagapangita sa 30 ka ektarya nga compound sang Kingdom of Jesus Christ ukon KOJC.
Suno kay PBgen Torre, sa kalapadon sang compound sang KOJC indi mabutig nga may ‘secret tunnel’ nga ginatipigan para sa ila nga seguridad.
Mahimo suno pa ini nga magbalhin sa lain lain nga lokasyon sa idalom sang duta sang KOJC paagi sa nasambit ngna tunnel.
Nahibaluan nga matapos ang masobra 24 ka oras nga pagpangita sa KOJC compound, napaslawan sa gihapon ang mga pulis nga madakpan si Quiboloy.
Dugang pa ni Torre, magapabilin nga naka-standby sa lugar ang mga pulis kag magatrabaho sang shifting sa pagpangita kay Quiboloy.
Nahibaluan nga dako nga hangkat para sa searching team ang kalaparon sang lugar kag ang kadamuon sang mga indibidwal nga nagaupang sa ila pagcheckyar sa KOJC Compound.
Nahibaluan nga yara pa lamang sa 1/4 sang lugar ang naheckyar sang kapulisan.
