KORONADAL CITY – Wala nagsugot nga magkomento ang isa sa mga ginatudlo nga pastor nga katapo sang World Philosophical Forum (WPF) nga yara suno pa sa idalom sang UNESCO.
Ini makaligad gintestingan sang Bombo Radyo nga ma-contact si Pastor Jess Sumicad agud mapaathag ang iya sini nga bahin may kaangtanan sa ginasiling nga investmet scam dire sa syudad sang Koronadal.
Samtang, nagpaandam man si Brgy Magsaysay Luz Bustillo sa iya mga kasimawa nga maghalong sa pagbutwa na naman sang panibag-o nga scheme nga ini.
Ginbuyagyag man sini nga napasugot siya bangud bitbit suno pa sini ang bulig agud magbangon sa kapigaduhon ang mga kasimanwa kag ang mga laragway nila kasubong nanday Koronadal Mayor Eliordo Ogena kagSouth Cotabato Governor Jun Tamayo, apang nabal-an lamang nga modus ang mga ini sa pamaagi sang Bombo Radyo
Madumduman nga nagpaandam si Mayor Ogena nga pagasakaan niya sang kaso ang nasambit nga grupo bangud sa pagpagayo sang P520 sa baylo sang ATM kag may mabaton nga $200 o yara sa P10,000.
