Madinalag-on nga nag takop ang Paskoronadal 2025, nga isa ka tuigan nga seremonya sang syudad sa tion sang kapaskuwahan. Sa diin ini gintambungan sang madamo nga tawo nga nagahatag sang kalingawan kag kalipay sa pumuluyo kag mga bisita.
Nangin sentro man sang atraksyon ang Candy land sa diin napuno ini sang nagkalain-lain nga matam-is kag madinuagon nga mga dekorasyon kasubong nang candy, cupcake kag candy houses.
Sa interview sang Bombo Radyo Koronadal kay Ian Kith S. Parcon – Focal Person PASKORONADAL 2025 ginpahayag sini nga yara sa more or less 2 million pesos ang budget nga gintigana para sa dekorasyon kag 1 million naman para sa nagkalain-lain nga competition kag event halin sa Disyembre 08 tubtob sa 24. Yara naman sa 20% sang dekorasyon ang recycled nga nagamit sa naglabay nga tuig.
Nagpatigayon man sang parada ang mga trisikol drivers nga may yara sang nagkalain-lain nga mga dekorasyon. Magluwas diri may ara man sang fireworks display ang syudad sa diin nakita ang manami kag magarbo nga fireworks nga naghatag sang duag sa kalangitan
Nagpanumdum naman ang LGU nga indi pagkaptan ang mga dekorasyon, kundi i-enjoy ang mga ini.
