KORONADAL CITY – Pormal na nga ginpasiga ang Giant Christmas Decorations nga nahamtang sa City hall grounds sang syudad sang Koronadal.
Ginpangunahan mismo ni Koronadal City Mayor Eliordo Ogena ang seremonya sang Ceremonial lighting kag kasudangan man sini ang pagbukas sang 2024 Paskoronadal 2024 Celebration sang syudad sa diin gina pakita ang madinuagon kag masadya nga pagselebrar sang syudad sang Koronadal sang Kapaskuahan sa diin nag umpisa sang December 16 2024 kutob December 21 2024 sa diin kada gab-e , may ara sang naka tigana nga aktibidad agud nga mapakita ang madinuagon kag malipayon nga paskwa sang Koronadal.
Madumduman nga nag tigana sang P1Million ang budget ang Lokal nga panggamhanan sang Koronadal para sa decorations nga mas manubo kumpara sang naglabay nga tuig.
Nangin sentro man sang decorations sa City hall grounds ang giant gift nga decoration.
Magluwas pa dirim nangin atraksyon man ang 6,000 ka mga tulips nga naga siga sa diin may duag yellow kag pula lakip man ang field of lights kag madamo nga iban pa.
Nagpatigayon man sang fireworks display ang syudad sa diin nakita ang manami kag magarbo nga fireworks sa diin nag dugay sang 5 ka minutos nga naghatag sang duag sang kalangitan.
