-- ADVERTISEMENT --
Nagsaka ang ranggo sang Pilipinas kon istoryahan ang pagkilala sang pasaporte sa bug-os nga kalibutan.
Base sa Henley Global Passport Index, yara na sa ika-72 nga puwesto ang Pilipinas halin sa ika-75 sang nagligad nga tuig.
Ang nasambit nga ranggo ginabase sa kabug-osan nga mga lugar nga pwede kadtuan sang isa ka passport holder nga wala na nagakinahanglan sang visa.
Ang kada visa-free nga destinasyon may isa ka puntos nga katumbas.
Ginakuha nila ang datos halin sa International Air Transport Association (IATA).
Padayon gihapon nga nagapanguna ang Singapore nga may “most powerful passport” sa bug-os nga kalibutan, kun sa diin ang ila mga pumuluyo makabisita sa 193 ka mga pungsod nga wala na nagakinahanglan sang visa.
