Mas nagtunog ang espekulasyon nga natapos na ang relasyon nanday Paolo Contis kag Yen Santos.
Ini matapos nanotisyaran nga ginhimo ni Paolo nga private ang iya nga Instagram page kag ginpang-unfollow na sini ang tanan sa amo nga social media platform lakip na si Yen.
Sang nagligad nga bulan, nadiparahan man sang Internet users nga wala na ang birthday post ni Yen para kay Paolo kag wala naman ini sang gina-follow sa Instagram.
Katapusan nga naka-post si Paolo kaangot kay Yen sang Nobyembre 2022 kadungan sang iya birthday kun sa diin iya ini gintawag nga “My Best Actress.”
Sang Mayo subong nga tuig, nagsabat si Paolo nga gusto sini nga “personal” lang anay ang mga bagay-bagay sang gindabukan ang isyu sang break-up.
2021 sang naglupok ang kontrobersiya nga naga-date ang duha nga kadungan man sang kontrobersyal nga breakup nanday LJ kag Paolo bisan pa may anak sila nga si Summer.
Enero 2023 sang ginkumpirma ang relasyon nanday Yen kag Paolo apang gina-insister nga indi third party si Yen sa una nga relasyon sang aktor.
