KORONADAL CITY- Yara na sa kustodiya sang Surallah PNP ang isa ka anay preso nga naka-avail sa kontrobersyal nga Good Conduct Time Allowance ukon GCTA law matapos na sumuko sa bayan ng Surallah, South Cotabato.
Sa nangin interbyu sang Bombo Radyo Koronadal kay Police Col Joel Limson, Police Provincial Director sang South Cotabato PNP, ginkilala ang nagsungka nga si Ramie Solcorites Menasalvas, 30-anyos, single, isa ka ecurity guard kag residente sang Sitio Bangkal, Brgy Buenavista sa nasambit nga banwa.
Suno kay Limson boluntaryo nga nagsungka si Menasalvas kasunod sang nangin direktiba ni President Rodrigo Duterte nga dapat magsungka ang tanan sang mga nahilway humalin 2014 tubtob 2019 bangud sa GCTA.
Nahibaluan nga anay na ini napreso sa Davao Prison and Penal Farm sa Dujali, Davaol Del Norte bangud sa kaso nga murder sadtong May 21, 2014 kag nahilway naman sang October 27, 2017.
Sa karon, natalana na ini nga Bureau of Corrections para sa pagverify sang iya nga mga records.
