KORONADAL CITY – Ginakabig nga pagtimalos suno pa sang Bangsamoro Islamic Freedom Fighters ukon BIFF – Daesh Inspired ang panibag-o nga pagpasigabong sang bomba sa Barangay Labu-labu 2, Datu Hoffer, Maguindanao nga nagresulta sa pagkapilas sang isa ka suldado.
Ginpahayag ni Capt Arvin Encinas, tagpamababa sang 6th ID Philippine Amy, retaliatory move ang ginhimo sang BIFF sa pagtanom sang bomba makaligad nga mapatay sa engkwentro ang 7 ka kaupdanan sang mga ini.
Suno pa kay Encinas, yara sa 800 metro lamang ang kalayuon sang ginluntaran san pagsigabong sa detachment sang 57th Infantry Battalion rason nga may isa ka suldado nga napilasan nga ginkilala kay Corporal Mujarni Samla nga miyembro sang 57th IB Philippine Army nga nakabase man sa nasambit nga lugar.
Nahibaluan nga gilayon nga gindangat sa IPHO Maguindanao si Samla apang ginbalhin ini sa 6ID Station Hospital, Awang, sa Datu Odin Sinsuat.
Nakwa naman sang mga suldado ang components sang IED sa blasting site kag gindala sa Company Check Point sa Brgy Meta sa banwa sang Datu Unsay agud masekyar sang Army’s Explosive Ordinance Disposal Team.
Maluwas diri, narekober man sang EOD team ang isa ka Propeller sang 81mm mortar, isa ka cellular phone nga gin-usar bilang triggering device, kag mga cell phone wires.
