KORONADAL CITY- Naglab-ot sa 50 ka myembro sang pamilya Sangga sa banwa sang Lake Sebu South Cotabato ang nagaprotesta angot sa maanomalya suno pa nga pagbaligya sang ila nga duta sa pamilya Diaz.
Sa ekslusibo nga interbyu sang Bombo Radyo Koronadal kay Nina Sangga, isa sa mga myembro sang pamilya Sangga kag nagatindog nga tagpamaba sang ila nga clan nga si Julio Lisa nga isa ka ilonggo ang nakapangasawa sang myembro sang pamilya Sangga halin sa Tribo T’boli ang ila nga gintugyanan sang ila 12.5 ektarya na kadutaan kun sa diin ini ang nagbaligya sang mga duta sa pamilya Diaz nga wala sang nagakaigo nga mga dokumento kag wala man ginpahibalo ang tribo.
Sa karun luyag suno pa nila ipakigbato ang ila kinamatarong sa ila nga kaugalingon nga duta.
Nahibaluan nga ang nasambit nag duta ang nahamtang sa Sitip Proper Brgy. Lamlahak, Lake Sebu South Cotabato.
Samtang ginpahayag ni Nina Sangga nga nagpahimo suno pa sang peke nga mga dokumento si Julio Lisa agud nga matigayon ang pagbaligya sang duta sa pamilya Diaz.
Ini ang nagalapas suno pa sa kasugtanan angot sa ancestral domain.
Dugang pa sini nga ang mga peke nga mga dokumento ang wala naga coincide sa mga katungod man nga ginpirmahan sang pamilya Sangga.
Sa karun ila na ginaprotestahan man ang nasambit nga land dispute pinaagi sa NCIP agud nga mabawi ang ila nga kadutaan.
Sa oras nga indi mabalik ang nasambit nga duta posible magtuga na naman ini sa pag ibwal sang kinagamo sa ila nga lugar.
