KORONADAL CITY – Padayon nga nagahuyang ang puwersa sang mga rebelde nga New People’s Army (NPA) sa Sultan Kudarat.
Ini ang ginpahayag ni Lt. Col. Harold Cabunoc, commanding officer sang 33rd Infantry Battalion Philippine Army bangud sa malapnagon nga combat kag psychological operation sang militar sa lugar.
Ginpahayag ni Cabunoc nga sang nagligad nga duha ka bulan yara na sa halos 200 ka mga rebelde ang nagsungka gikan sa Daguma mountain range nga sakop sang mga banwa sang Bagumbayan kag Sen. Ninoy Aquino.
Indikasyon suno pa ini nga nadulaan na sang suporta sa masa ang mga rebelde.
Magluwas diri, isa ka abandonado nga kampo man sang NPA ang naagaw sang militar sa Barangay Sto. Niño sang Bagumbayan kun diin yara sa 50 katawo ang iya nga naakomodar nga ginapatihan ginapanaguan ni Kumander Yoyo kag Kumander MacMac sang NPA.
Una diri isa ka kampo man ang nadiskubrihan sang militar sa Sitio Tandang Barangay Monteverde sang Bagumbayan.
Sa subong, padayon ang panawagan sang opisyal sa mga NPA nga nagsungka kun diin yara sa halos 30 na lamang ang nabulin nga tinawo ni Kumander Yoyo.
Sa subong may mga surrender feeler na ang pila sa mga ini.
