Isa naman ka insidente sang road rage ang nagluntad sa syudad sang Koronadal sa atubangan sang Yellow bus Line terminal,Gesan Drive, Abril 14, 2025, pasado alas-12 sang kadutuhon.
Base sa inisyal nga impormasyon, isa ka tricycle driver kag isa ka motorcycle driver ang imbolbado sa nasambit nga insidente matapos magbunggoanay ang ila man sini nga mga behikol.
Bangud sa gilayon nga nagluntad nga tensyon, Ini ang nangin tunaan sang mainit nga diskusyon kag amo ang nagresulta sa pag sumbaganay sang duha ka drayber.
May pila ka concerned citizens man ang nagbulig sa pagbulag sa mga nagasinggitanay nga drayber antes pa maglala ang sitwasyon.
Sa karon, ginapaidalum sa imbestigasyon sang mga otoridad ang insidente kag ginapangita ang mga testigo agud makuha ang bug-os nga detalye sang natabo.
Ginapanawagan man sang kapulisan sa publiko ang pagpanginwala sang bayolente nga pamatasan sa karsada kag ang pagpanguna sang kalma kag respeto sa gihapon nga dala sang madalom nga pagsabtanay.
