KORONADAL CITY- Nagpahayag sang kahadlok si South Cotabato Muslim Affairs Chief Sultan Mutalib Sambuto sa pagadangatan sang Organic Law for the Bangsamoro in Autonomous Region in Muslim Mindanao (BARMM) ukon Bangsamoro Organic Law nga gin-aprubahan sang congressional bicameral conference committee.
Sa ekslusibo nga interbyu sang Bombo Radyo Koronadal kay Sultan Mutalib, apisar masadya sila kag ginaselebrar ang pagkapasar sini, indi sa gihapon malikawan nga magkabalaka ang pila ka Muslim leaders sa posible nga pagtuhaw naman sang bag-o nga faction sang mga rebelde nga nagapamalabag sa nasambit nga bersyon sang layi.
Bangud sini, nagpahanumdum ini sa mga mangin lider sang pagahimuon nga Bangsamoro entity nga dapat indi mangin Ningas-Kugon ang mga ini kag sa baylo ipakita nga nagatinguha gid sila nga magsirbe para sa mga Moro kag para sa pag umwad sang rehiyon tubtob sa ulihi.
Samtang sa pihak sini, nagapati naman ang Muslim leaders nga pwede pa hisgutan ang anuman nga problema nga paga atubangon angot sa nasambit nga layi.
