Isa ka panel truck ang naimbolbar sa isa ka Vehicular accident sa bahin sang Brgy. Carpenter Hill siyudad sang Koronadal kahapon nga adlaw sang Martes Abril 22, 2025.
Mahinay suno pa ang pagpadalagan sang panel truck sang bigla lang naglupok ang ligid sini.
Ini ang nangin pahayag ni Edcel Sixto – Driver sang panel truck sa interview sang bombo radyo koroandal.
Suno kay Sixto sang naglupok ang ligid sa likod nga parte sang salakyan nga ginamaneho sini gintinguhaan niya nga indi ini mabangga sa center island agud indi na makatuga sang danyos kag sa ulihi nadulaan ini sang balanse amo nga natumb ang nasambit nga salakyan.
Padul-ong suno pa sila sa marbel kaupod ang iya helper sang nagluntad ang aksidente kung sa diin naka-agom lang ang mga ini sang minor injuries.
Nagpangawan man ini sa tanan nga drivers patas saiya nga mahinay-hinay lang sa dalanon agud malikawan ang aksidente.
