KORONADAL CITY – Nagasinggitan man sang hustisya ang pamilya sang suspek sa paglugos-patay sa 10-anyos nga bata nga babaye sa banwa sang Tupi, South Cotabato.
Suno kay Ginang Myrtle, asawa ni Ronald Sayosa, 44-anyos, nga residente sa Sitio Lemblisong, Barangay Kablon, Tupi, South Cotabato nga pamatian man sila kag indi mangin one sided ang istorya angot sa natabo nga krimen.
Suno pa kay Ginang Myrtle, luyag nila makakita sang mabakod nga ebedensiya kasubong sang video ukon picture nga ginauyatan sang iya bana ang bata kag ini gid mismo ang nagpatay.
Dugang pa sini, sang tion nga nadula ang bata kag nasapwan ang bangkay sini, kaupod sang iya bana ang mga katrabaho sini sa simbahan.
Emosyunal man nga ginpahayag ni Ginang Myrtle nga ginpasalig pa sa ila nga makapauli nga luwas ang iya bana bangud subong nga Lunes pa pasakaan ini sang kaso apang ginpatay na sang Sabado bangud ginpasibangdan nga nang-agaw sang armas.
Nagakabalaka naman sa karon ang asawa sang suspek kun sin-o ang magabuhi sa ila pamilya bangud napatay na ang bana sini
