KORONADAL CITY– Naglab-ot na sa masobra 2 ka tuig ang kabalaka sang pamilya sang isa ka Pinay Overseas Filipino Worker sa pungsod Kuwait makaligad ini nga ma missing.
Sa ekslusibo nga interbyu sang Bombo Radyo Koronadal kay Lorna Acuy, masobra 2 ka tuig na suno pa nga missing ang bata sini nga si Hasnah Supriya Edris, 24 anyos kag residente sang Brgy. Upper Sepaka Surallah South Cotabato kun sa diin tuig 2016 pa nila ini ulihi nga nakontak.
Nahibaluan nga ginasakit suno pa ang Pinay DH sang iloy sang iya amo kag nagpahayag ini nga padala-on suno pa soya sa Saudi Arabia halin sa Kuwait.
Ulihi nga nakahinun-anon sang iya pamilya ang Pinay DH sang tuig 2016 kun sa diin nagpahayag ini sang kabalaka bangud pagadal-on suno pa siya sang imo ma amo sa isa ka kakahuyan kun sa din makaligad sini wala na ini nakontak pa sang iya pamilya.
Nakig-angot naman sila sa OWWA apang wala sa gihapon ma locate ang Pinay DH.
Samtang tuman suno pa ang paglikaw sang recruiter ni Hasnah nga si Shiela Masondic nga residente man sang Surallah apang yara sa pungsod Kuwait sang ini ang ginpamangkot kun sa diin na si Hasnah kag kun ano ang matuod nga natabo sa nasambit nga Pinay DH.
