KORONADAL CITY – Tuman ang pagpasalamat sang pamilya sang isa ka OFW nga ginbawian sang kabuhi sa Jeddah, Saudi Arabia sa Bombo Radyo bangud sa hinali ng abulig nga ginhatag agud mapauli ang bangkay sini sa rehiyon 12.
Sa intebryu sang Bombo Radyo Koronadal kay Reymundo Mampo, residente sang Brgy. Calian, Tacurong City, emosyonal ini nga nagapasalamat sa waragwagan agud tigayon nga mapapauli ang bangkay sang iya asawa nga si Evangeline Tambon.
Suno kay Mampo, gilayon siya nga nagtawag sa Bombo Radyo agud mapauli ang bangkay sang iya asawa labi na nga nakabalo ini nga madamo na nga mga OFWs ang nabuligan sang waragwagan.
Emosyonal man sini nga ginpakigbahin nga si Evangeline ang nagabuhi sa ila pamilya.
Dugang ni Mampo nga positibo man siya sa mangin buwas damlag sang iya mga kabataan apesar wala na ang iya tiayon.
Nabilin ni Tambon ang iya mister kag tatlo ka kabataan.
Nahibaloan nga natalana nga ilubong ang nasambit nga OFW sa adlaw sang Dominggo sa Tacurong Cemetery.
