KORONADAL CITY- Napukaw ang tuman nga kaakig sang pila sa mga himata sang Maguindanao Massacre victims makaligad nga gintugutan nga makatambong sa kasal sang iya nga bata ang Prime Suspect sa massacre nga si anay Autonomous Region in Muslim Mindanao (ARMM) Governor Zaldy Ampatuan.
Sa esklusibo nga interbyu sang Bombo Radyo Koronadal kay Gng. Moneth Salaysay, tiayon ni Napoleon “Nap” Salaysay nga isa sa mga mamamahayag nga biktima sang massacre, bad trip suno pa ini kag malain ang buot sa pagpahanugot nga temporaryo nga makagwa si Ampatuan para sa wedding event kun sa diin nagapati ini nga kwarta naman suno pa ang rason kun nga-a kasubong nga ginapagustuhan ini sa iya luyag nga himuon.
Bangud sa nasambit nga panghitabo, mas nag dyutay ang ila paglaum nga maangkon pa ang hustisya bangud nangin mahapos na lamang para kay Ampatuan ang makakuha sang court order kag temporaryo nga makagwa sa presuhan.
Dugang pa sini nga indi suno pa bangud pila ka tuig na ang nakaliga, nalipatan na nila ang pinakamadinuguon nga media killings sa pungsod rason nga dapat nga awhagon ang administrasyon nga dapat liwat buhion ang hustisya sa pungsod.
Kun madumduman nga isa ang anay Chief of Reporter sang Bombo Radyo Koronadal nga si Bombo Bart Maravilla sa mga biktima sang Maguindanao Massacre.
