KORONADAL CITY – Nagapanawagan sa karon si Gng. Leonila Baliko, tiya sang mga biktima nga taga-South Cotabato nga nalakip sa insidente sang pagkahulog sang Ceres Bus sa bahin sang pil-as Hamtic, Antique sa kung sin o man ang gusto magpaabot sang bulig sa ila.
Sa interbyu sang BOmbo Radyo Koronadal kay Gng. Leonila Baliko ginpahayag sini nga 4 sa mga myembro sang ila nga pamilya ang nalakip sa insidente kag bangud sa kapigaduhon nagahangyo ini sang bulig.
Kung mahibaluan lima sa mga pasahero gikan sa South Cotabato ang nalakip sa 19 ka mga napatay amo sanday: Fritzie Javellana-Alcala, Jomarie Alcala, Zairon Alcala, Federica Singh (Indian national), kag Jessie Javellana, 36 anyos.
Ginpahayag naman ni Mr. Broderick Train, Head sang Antique Provincial Disaster Risk Reduction and Management Office nga gina-finalize nalang ang tanan nga mga dokumento sang mga biktima agud madala na pauli ang mga ini.
Suno pa, subong nga Lunes nga adlaw i-turn-over sa local government unit sang South Cotabato ang lima ka mga napatay nga nalakip sa aksidente.
