KOR0NADAL CITY – Nahatagan sang paglaum ang pamilya sang mga Maguindanao massacre victims sa panibag-o nga marching order ni Pangulong Rodrigo Duterte nga pagpaguwa sang partial judgement sa mga akusado sa sulod sang isa ka tuig.
Suno kay Jhan Chiene Maravilla, bata sang anay chief of reporter sang Bombo Radyo Koronadal nga si Bombo Bart Maravilla, nalipay sila sa ginbuyagayag ni Presidential Spokesman Harry Roque nga marching order ni Pangulong Duterte sa prosekusyon nga magpaguwa sang mga ebidensya sa mas madali nga tion angot sa makangilidlis nga masaker nga natabo sang Nobyembre 23, 2009.
Suno pa sa iya, posible nga sa idalom sang Duterte Administration pa lamang nila makab-ot ang hustisya nga madugay na nila ginahandum humalin pa sang tuig 2009.
Aminado si Maravilla nga sa tanan nga mga pangulo sang pungsod si Pangulong Duterte lamang ang nagpaguwa sang kasubong sini nga kamanduan.
Kaangot sini, lubos naman ang pagpasalamat nila sa presidente bangud sa paghatag sang kasiguruhan nga manabat ang mga kahimuan sang krimen.
Kadungan sini, nagpanawagan man si Maravilla sa iban pa nga pamilya sang Maguindanao massacre victims nga mangin malakas pa at huwag mawalan ng pag-asa.
