KORONADAL CITY- Nagpanawagan pinaagi sa Bombo Radyo Koronadal ang pamilya sang suspek sa pagpangluthang sang isa ka pulis sa Sitio Bampoy Brgy. Lampitak, Tampakan South Cotabato.
Sa eklusibo nga interbyu sang Bombo Radyo Koronadal sa pamilya ni Ricardo “Carding” Tatad 52 anyos halin sa tribo nga B’laan nga suspek sa pagluthang kay SPO1 Leon Siringan, nagpakitluoy ang mga ini nga magsungka nalang ang suspek sa otoridad bag-o pa man maulihi ang tanan.
Nahibaluan nga nagapadayon ang Hot Pursuit Operation ng South Cotabato PNP sa suspek makaligad magbato sa ginpatigayon nga operasyon sang tropa batuk sa iligal nga armas kag naluthangan si SPO1 Siringan.
Samtang emosyonal naman ang ti-ayon sini nga si Jocelyn Tatad 22 anyos bangud tubtob sa karun wala pa nila nahibaluan kun sa diin nagapanago ang iya nga mister kag nagakahadlok ini nga basi patyon ang bana sini bangud man sa nahimo nga krimen.
Sa karun padayon nga ginalagas ang suspek samtang si SPO1 Siringan ang under observation pa bangud sa igo sang bala sa iya nga tiyan.
