Nagpablotter na sa barangay ang apo sang tigulang nga ginsakit sang isa ka lalaki sa bahin sang Brgy. Dajay, Surallah, South Cotabato.
Sa interview sang Bombo Radyo Koronadal kay Anne Yabut Benigas – Apo sang Biktima, ginpahayag niya nga ginreport na nila ang natabo sa ila barangay.
Suno kay Benigas, matapos ang pagreport nila sa barangay, gilayon nga ginkadtuan sang isa pa ka tiya niya ang tigulang kag ginkuha upod sa ila.
Ginpahayag man ni Benigas nga ila nahibaluan nga madugay na nga ginasakit sang iya tiya kag live in partner sini ang iya lola apang wala gilayon naaksyunan bangud wala sang ebidensya.
Gindugang pa niya nga matapos ang pagpablotter nila sa barangay, wala na nakit-an pa sa balay ang lalaki nga nakit-an sa video nga nagapanakit sa tigulang.
Samtang, desidido man ang pamilya nga magpasang-at sang kaso batok sa tiya kag sa iya live-in partner.
Bangud sini, nagpanawagan man si Benigas sa iya tiya ka sa live-in partner sini nga atubangon ang bisan ano nga consequences sang ila ginhimo sa lola.
