“Expectation versus reality” ang drama sa isa ka pamilya sa Texas kay nakabakal sila sang peke nga cake sa isa ka supermarket.
Grabe ang kaakig sang pamilya Flores sang ila mahibaluan nga styrofoam gali ang cake nga ila nabakal.
Siling ni Nellie Flores nga nag-order sila sang cake para sa graduation party.
Pagkatapos sang pila ka oras, nahibaluan ni Nellie kag ang iya igsuon nga si Marsy nga nadula ang gi-order nga cake.
Agud masolusyunan ang problema, ginhatag sang manager sang supermarket ang nakadisplay nga cake pero wala nila nahibalu-an nga styrofoam gali ini.
Nakaporma sang styrofoam nga cake kag ginbutngan lang sang frosting.
Sang mahibal-an sang management ang problema, naghatag sila sang gift card nga nagabalor sang $60 bilang kompensasyon kag free cake voucher.
Siling sang manager sang supermarket nga nangin resulta ini sang miscommunication.
