-- ADVERTISEMENT --
Patay gilayon ang isa ka amay, iya asawa, kag ila 3-anyos nga bata matapos mabungguan sang trailer truck ang ila kotse sa Brgy. Talus, Malungon, Sarangani sang aga sang Hunyo 4, 2025.
Ginkilala ang mga biktima nga sanday Abdulmajid Sarapudin, 35; Ivy Lou, 33; kag ang ila anak nga si Colleen.
Suno kay Arnel Pinque sang Malungon MDRRMO, halin sa Brgy. Labangal, General Santos City ang pamilya kag padulong kuntani sa Davao City.
Sa kasagsagan sang ulan, nadanlog kag nalihis ang ila kotse pakadto sa pihak nga lane, nga amo ang nagresulta sa banggaan sa trailer truck.
Gindeklarar nga dead-on-the-spot ang tatlo bangud sang seryoso nga pilas.
Ang driver sang truck yara na sa subong sa kustodiya sang barangay kag police authorities.
