KORONADAL CITY– Liwat suno pa nga nabuhi ang paglaum sang pamilya ni Bombo Radyo Martyr Bombo Ernesto “Bart” Maravilla sang gin appoint ni Pangulong Rodrigo Duterte bilang tigpamaba si Atty. Harry Roque nga nagatindog nga isa sa mga abogado sang mga biktima sang Maguindana Masaccre.
Si Bombo Bart ang isa sa mga media practitioner nga napatay sa Maguindanao Masaccre sa Sitio Masalay, Ampatuan, Maguindanao tuig 2009.
Kadungan sang All Saints Day kahapon, nangin emosyonal ang pamilya Maravilla ilabi na ang subang sini nga si Jhanzhen Maravilla bangud magwalo na ka tuig sa Nobyembre 23 nga nadula ang ila amay apang tubtub subong wala sila sang naangkon nga hustisya.
Ginsaysay man sini sa Bombo Radyo nga tuman ang kabudlay nga ila naeksperyensyahan humalin sang madula nag ila amay bangud diri lamang sila nagalaum ilabi na kay ginkakas ang ila scholarship nga ginpromisar sadto sang Aquino administration.
Rason nga sang mabalitaan suno pa nga gin appoint si Atty. Roque, nabuhi ang ila paglaum nga mahatagan pa sang hustisya ang mga biktima sang Maguindanao Masaccre ilabi na bangud kasubong nga Mindanaoan man si President Rodrigo Duterte.
