Nagaduha-duha si South Korean President Yoon Suk Yeol kag ang mga lider sang NATO sa pamahog sang North Korea sa Europe bangud sa pagdalom sang relasyon sini sa Russia.
Suno kay Yoon, ang military cooperation sang Russia kag North Korea ang klaro nga pamahog sa kalinong kag seguridad sa Korean Peninsula kag Europe.
Naka depende man sa Russia suno sa lider kun sa diin ini magadampig.
Magabase man sa kasugtanan militar sang Russia kag Pyongyang kun magapadala sang kagamitan ang Seoul sa Ukraine.
Nahibaluan nga amat-amat na naglas-ay ang relasyon sang South Korea kag Russia matapos magbaton ang Moscow sang ballistic missiles kag artillery nagikan sa Pyongyang nga gina gamit sa karun sa inaway sa Ukraine.
Nagpahayag naman si Russian President Vladimir Putin nga dako nga sayop sa South Korea kun magapadala ini sang armas sa Ukraine.
Para naman kay Yoon, salot sa international society ang North Korea rasun nga dapat magpili na ang Russia kun sa diin ini magadampig, sa South ukon North Korea.
