Ginpasiguro sang Department of Foreign Affairs (DFA) nga 20 ka Pilipino ang gin-aresto kag ginpreso sa Qatar matapos magrally.
Ini ginpamatud-an sang Philippine Ambassador sa Doha, Qatar, nga nagakontra sa una nga balita nga 17 lang ka Pilipino ang gin-aresto bangud sa wala sang pahintulot nga pagsaulog sang political demonstrations.
Suno kay DFA Undersecretary Eduardo de Vega, isa na ang napaguha samtang 19 pa ang yara sa kustodiya sang Qatar police station.
Ginpahayag sang opisyal nga ila na ginalakipan sang solusyon ang pagpaguha sang natun-an pa nga mga Pilipino nga yara pa sa mga otoridad.
Ginklaro man ni USec. De Vega nga kung kasuhan ang mga gin-aresto nga Pilipino, ang Philippine Embassy sa Qatar magahatag sang legal assistance bangud posible sila makabilanggo sang tatlo ka tuig kung mapamatud-an ang kaso.
Nadumduman nga ang pagpangdakop kag pagpabilanggo sa amo nga mga Pilipino natabo sang Marso 28 bangud sa ginatudlo nga political demonstrations.
Bisan pa wala ginbuyagyag sang Philippine Embassy sa Qatar kung ini may kaangtanan sa madamu nga protesta nga ginlunsar sang mga supporters ni Duterte kasabay sang iya ika-80 nga kaadlawan samtang nakakulong sa Scheveningen Prison sa The Hague, Netherlands, ginpahayag ni USec. De Vega nga posible amo ini ang hinungdan sang rally.
Muli naman ginpahanumdom sang mga opisyal sang DFA sa mga Pilipino nga ara sa Qatar nga hugot nga ginadili ang tanan nga klase sang political rally, gani kinahanglan magsunod sa mga layi kag kabuhi-an sang nasambit nga pungsod may kaangtanan sa mga madamu nga kilos-protesta kag pagpagwa sang ila politikal nga perspseption.
