-- ADVERTISEMENT --
KORONADAL CITY – Nagalaum ang mga OFWs sa pungsod Australia nga matapos na ang nagaluntad nga trade war sa tunga sang China kag nasambit nga pungsod.
Sa eksklusibo nga interbyu sang Bombo Radyo Koronadal kay Gerald Llorente, isa ka butcher sa Australia kag tumandok sang Koronadal City, tuman sila nga apektado subong labi na nga ginmando sang Beijing ang pag-ban sa meat industry na maga-export sa ila.
Nagbalos naman ang Australia pinaagi sa 80 porsyento nga increase nga taripa sa barley.
Nag-umpisa ang nasambit nga trade war makaligad nga ginduso ni Australian Prime Minister Scott Morrison ang isa ka international investigation kaangot sa paglapta sang covid-19 kun sa diin nag-umpisa suno pa ini sa China.
