KORONADAL CITY- Tuman gid kasubo,mabug-at kag kasakit para sa mga drivers ang pagtaas sang presyo sang gatong taga semana.
Ini ang nangin pahayag ni Ronnie Castillo, isa ka jeepney driver, sa interbyu sang Bombo Radyo Koronadal.
Suno sa iya, dako gid nga epekto ini sa ila nga mga drivers sa ila nga pagbyahe kay bangud limitado pa gid ang mga pasahero ang ila man nga makarga kay tungod sa pandemy.
Kulang katama para sa ila ang ila nga gina income kada adlaw, bangud amo lamang ini man ang ila man nga source of income, kulukasubong nga naga panimpalad lang nga daan ang ila nga pangabuhi sa kada adlaw-adlaw , dugangan pa sang panibag-o nga oil price hike sang halos tanan nga mga gasoline station nga naga padugang man sa kapigaduhon nga ila ginabatyag.
Dugang pa sini, dako man ang iya nga pagpasalamat sa gobyerno kay may ihatag man nga fuel subsidy para sa ila nga mga drivers, kay kung sa diin naga rent lamang ini man sang iya man nga ginapamasada nga jeep nga kung sa diin percentage lamang ang iya man makuha angut sini.
Nahibaluan man nga mangin epektibo ining pagsaka sang gatong Marso 15,2022, Martes nga adlaw, alas 6 sang aga, nga nagpatuman ang mga kumpanya sang gasolina sang pagtaas sang presyo sang P7.10 kada litro para sa gasolina, P13.15 kada litro ang gintaas para sa diesel, kag P10.50 kada litro naman ang gintaas para sa kerosene.
