KORONADAL CITY– Indi lamang sa pungsod Pilipinas ang naka eksperyensya sang pagsaka sang presyo sang gatong, apang mangin man ang pungsod Saudi Arabia ang nangin apektado.
Ini ang nangin pahayag ni Chuck Salapudin, Bombo International News Correspondent to Saudi Arabia sa interbyu sang Bombo Radyo Koronadal.
Suno sa iya, kung ikumpara sang tinalikdan nga mga tinuig kag subong nga panahon, makabig nga tuman gid ang pagsaka sang presyo sa ila naman nga lugar nga kung sa diin sa ila nga bahin ang naga problema man sila.
Apang ginpahayag sini nga kung ikumpara ang presyohanay sang petrolyo sa pungsod Pilipinas kag sa ila nga lugar mas tuman kalayo kag mas mataas ang presyuhanay diri sa aton nga pungsod.
Nahibaluan nga kilala ang Saudi Arabia nga naga produce man sang mga krudo apang nangin apektado sa gihapon sila sa mga pagtaas sang presyuhanay.
Gindugang pa sini nga wala pa man nag umpisa ang tension sang Russia kag Ukraine, nakaangkon na sila sang pagtaas sang gatong nga tubtub sa karon isa man sa ila nga ginapangatubang nga Krisis.
