Ginkadismaya sang grupo sang mga manunudlo ang pagsuspender ni Pangulong Ferdinand Marcos Jr. sa pila ka benipisyo nga ginahatag sa mga empleyado sang gobyerno.
Ini makaligad nga ginpaguwa sang Malakanyang ang Executive order number 61 nga nagasuspender sa Results-Based Performance Management System kag Performance-Based Incentive System bangud suno pa sa doble nga pag-isyu sini.
Suno kay Vladimer Quetua, Chairperson ng Alliance of Concerned Teachers, dismayado sila nga mabuinan naman ang mga insentibo kag benipisyo nga ginabaton sang mga manunudlo bangud sa kamanduan nga ini sang pangulo.
Aminado si Quetua nga may mga isyu kag problema sa nasambit nga sistema apang indi suno pa dapat nga nga magpangabudlay naman ang mga manunudlo para diri.
Nagalaum naman ang grupo nga temporaryo lamang ang suspensyon kag gilayon nga mabalik man ini.
Nagpanawagan man sila nga sa baylo nga buhinan ang benipisyo, hatagan na lamang sang solusyon sang gobyerno ang mga problema nga ginaatubang sang sektor sang edukasyon kasubong sang kakulangan sang mga manunudlo, kagamitan kag manubo nga sweldo.
