Madako suno pa ang epekto sang pagsungka sang masobra isa ka libo nga mga armas luthang sa seguridad sang palaabuton nga election kung sa diin narekober ang mga ini paagi sa gina-implementar nga small arms light weapon program sang kasuldaduhan nga kadam-an naghalin pa sa mga gintigayon nga military operation kag law enforcement operation.
Ini ang nangin pahayag ni Lt.Col Roden Orbon – Spokesperson, 6ID Philippine Army sa interview sang bombo radyo Koronadal.
Suno kay Orbon, madako ang epekto ukon impact sang mga pagsungka kag narekober nga mga nagkalain-lain sahi nga mga armas sa mangin seguridad kag luwas nga pala-abuton nga election.
Bangod sini magnubo nalang ang mga risk nga paga-atubangon sang mga otoridad sa palaabuton nga election.
Dugang niya pa, kadam-an sa ginsungka kag narekober nga armas ang seviceable ukon pwede pa ang mga ini magamit amo nagapati sila nga madako ang kabawasan sini sa security risk kung sa diin padayon man sa giyapon ang ila kampanya batok sa mga loose firearms.
