KORONADAL CITY- Panibag-o nga sahi sang iligal nga droga ang ginamonitor subong sang Philippine Drug Enforcement Agency o PDEA nga ginakabalak-an nga makasulod sa Pilipinas.
Sa interbyu sang Bombo Radyo Koronadal kay PDEA 12 Director Gil Cesario Castro pinakabag-o sa mg iligal nga droga nga ginatutujan sang ila ahensya amuh ang zombie drug o mas kilala sa tawag nga Flakka nga isa ka synthetic street drug nga nagatuga sang bizarre behavior, paranoia kag delusion sa mga naga-usar sini kun sa diin kadamuan sa mga lulong dire kasubong sa Estados Unidos ang nagakaon sang tawo, nagapakighilawas sa mga butang kag sapat, ginasakit ang kaugalingon kag nagawaras.
Isa pa sa mga hugot man nila nga ginabantayan amuh ang Digital drug nga makit-an sa isa ka ginadumilian nga site sa internet kun sa diin didto mapamatian ang mga musika kag mga tingog nga sa tion nga mapamatian may yara ini sang ikasarang nga bag-uhon ang brain wave patterns nga naga induce sang altered state of conciousness kag nagaresulta sa pagka adik sang nagapamati.
Nahibaluan nga ang nasambit nga sahi sang mga ginadumilian nga droga ang ginatilawan nga ipasulod sang mga sindikato sa pungsod rason nga hugot nga ginapahanumduman ang mga pumuluyo nga makig-angot sa PDEA ukon sa mga otoridad.
