Nagtuga sang tensyon sa sulod sang Kingdom of Jesus Christ (KOJC) compound sa Davao City ang pagdala sang kapulisan sang “blue box” samtang nagapadayon ang ila pagpangita kay Pastor Apollo Quiboloy, hwebes sang aga.
Pila ka mga myembro sang KOJC ang nagprotesta sa amo nga tikang kag gin-alegar nga ang blue box ang wala nag agi sa X-ray scanner.
Wala pa man nakapalayag ang kapulisan kon ano ang unod sang blue box.
Sa ika-anum nga adlaw nga pagpangita kay Quiboloy sa KOJC compound, 100 ka pulis ang liwat nga nagsulod kag nagdala man sang long-range acoustic device nga isa ka apparatus.
Ginpanginwala naman sang PNP ang reports gikan sa SMNI nga ginpaandaman sang kapulisan ang iban nga myembro sang KOJC nga bombahan ang ila cathedral kon indi nila pag isungka ang ila lider sa mga otoridad.
