KORONADAL CITY- Nangin madinalag on ang pagselebrar sang mga kauturan nga Muslim sang Eid’l Adha.
Isa ini ka selebrasyon nga tuman ka importante sa mga Muslim bangud ang ini nga selebrasyon ang nagsentro sa pagpasalamat o kun ang thanksgiving sa pagdumdum nga nagsugot si Ibrahim sa mando ni Allah nga isakripisyo ini ang iya nga bata.
Sa interbyu sang Bombo Radyo Koronadal kay Sultan Mutalib Sambuto, Provincial Muslim Affairs Chief sang South Cotabato, ginpahayag sini nga nangin face to face na ang pagpatigayon sang Eidl Adha apang nagsunod man gihapon sila sa mga protocols bangud yara sa gihapon sa tunga sang pandemya.
Nahibaluan nga ginpahugtan man ang seguridad sa palibot sang mga lugar nga sentro sang pagtililipon para naman sa kalinong sang selebrasyon san Eid’l Adha.
