Pagsaulog sang All Saints kag All Souls Day, generally peaceful – PNP

KORONADAL CITY – Nangin matawhay ang kabug-usan nga selebrasyon sang kalag-kalag sa South Cotabato.

Ini ang ginpahayag ni Pol Col Joel Limson, Provincial Director sang South Cotabato PNP sa esklusibo nga interbyu sang Bombo Radyo Koronadal.

Suno kay Col Limson, nangin generally peaceful ang nangin assessment sang kapulisan sa pagdumdom sang All Saints kag All Souls Day sang Nov 1 kag Nov 2, 2019.

Ginpahayag ni Limson nga nangin dako nga bulig agud nga mangin matawhay ang kabug-usan nga selebrasyon bangud sa kooperasyon sang publiko.

Nagpasalamat man ini sa tanan nga PNP Personnel nga naghatag sang Public assistance desk bilang paghatag sang seguridad sa mga pumuluyo nga nagpadulong sa nagkalain-lain nga sementeryo sa probinsya.