Magasabay ang panibag-o nga pagsaka sang presyo sang mga produkto nga petrolyo sa adlaw sang Paskwa, base sa ginpagwas sang Department of Energy-Oil Industry Management Bureau (DOE-OIMB).
Suno sa nasambit nga ahensiya, magalab-ot halin sa P0.35 tubtob P0.70 ang igasaka sang kada litro sang presyo sang gasolina.
Para sa diesel, posible nga magasaka ini halin sa P1.10 tubtob P1.40 kada litro, samtang sa kerosene, ginalauman nga magsaka ini halin sa P0.90 tubtob P1.
Una na nga nagpatuman ang kumbuyuhan sang petrolyo sang panibag-o nga pagsaka-presyo sakron nga semana kung sa diin ang presyo kada litro sang gasolina kag diesel ang nagsaka sang P.80 samtang ang kerosene ang nagsaka man sang P0.10.
Apang posible pa nga magbag-o ang projection, ang panibag-o nga saka-presyo ang nakatalana igapatuman subong nga adlaw sang Martes, Dec. 24.
