KORONADAL CITY- Nagapadayon sa gihapon ang pagtapna sang nilibo ka mga bombero nga naghalin pa sa iban nga mga estado sang Amerika sa malapnagon nga wildfire sa Northern California.
Sa ekslusbo nga interbyu sang Bombo Radyo Koronadal kay Bombo International Correspondent kag isa ka pinoy nurse nga si Peter Jabido nga kasamtangan subong nga naga-istar sa California USA nga yara sa 27 pursyento pa lang sang sunog ang kontrolado sang mga bombero kun sa diin pinakamalala nga napagkit amuh ang sa NAPA county.
Dugang pa sini nga masobra 30 naman ang napatay sa wildfire kag masobra 20,000 indibidwal ang apektado.
Kaangot sini, madamo naman sang mga taga California ilabi na ang mga pinoy ang dismayado sa madugay nga pagresponder sang Trump administration sa ginapangatubang nga problema sang nasambit nga pungsod kun sa diin ginlaragway pa sini nga palpak ang pamaagi sa paghatag sang bulig humalin pa sang nagluntad ang pagpanalasa sang mga mabaskog nga bagyo sa iban nga estado kag mga nagaluntad nga malapnagon nga wildfire nga ginkapatay sang madamo nga indibidwal kag nagresulta sa pagkadula sang nilibo nga puluy-an.
