KORONADAL CITY– Nagapanic na sa karon ang madamo nga miyembro sang Kabus Padatuon ukon KAPA investment scam nga ginapamunuan sang nagapakilala nga pastor nga si Joel Apolinario.
Ini ang kasunod sang ginatigayon nga raid sang National Bureau of Investigation sa puluy-an mismo ni Apolinario sa syudad sang General Santos kag mangin sa KAPA branch sa Tagum City.
Nagakabalaka ang tanan nga mga myembro ilabi na diri sa Koronadal kag mangin man ang mga bago nga investors nga indi na mabalik pa ang ila nga kwarta.
Kaangot sini sa syudad sang Koronadal, naka standby sa gihapon ang mga otoridad sa posible nga pagraid sa talatapan sang KAPA partikular na diri sa Arellano Street, Koronadal City
Magluwas diri, may ginpatigayon man nga raid ang NBI sa isa pa ka investscam nga ALAMCO sa Alabel Saranggani Province.
Samtang, ginpahayag naman ni SEC Chairman Emilio Aquino sa bag-o lang ginpatigayon nga press conference nga pagapasakaan na sang kaso nga kriminal ang KAPA Founder kag ang tigayon nga closure sini.
Gin-insister man sini nga ang promisa nga 30% monthly interest sang KAPA ang ” Ridiculously High” kag “Mathematically Unexplainable.
