KORONADAL CITY– Ginakabalak-an sa karon sang Justice Now Movement ang pagpungko na nga alkalde sang bata sang isa sa mga utok sa makangilidlis nga Maguindanao Massacre sa Datu-Unsay sa probinsya sang Maguindanao.
Sa esklusibo nga interbyu sang Bombo Radyo Koronadal kay Emily Lopez, presidente sang Justice Now Movement, ginpahayag sini nga posible nga mabalewala ang kaso nga ginsang-at nila batuk sa mga responsable sa nasambit nga masacre kun amat-amat na nga nagablig sa gahum kag posisyon ang pamilya Ampatuan.
Sa pihak sini, wala naman suno pa sang nakit-an nga problema ang grupo kun si Datu Andal “Datu Aguak” Ampatuan The Fifth ang nangin Alkalde sang nasambit nga banwa ilabi na kun wala ini sang kaangtanan sa krimen.
Apang, wala man ginadula sang mga pamilya sang massacre victims ang posibilidad nga may kaangtanan ini sa krimen.
Sa karon, panawagan sang grupo nga mas padasigon pa sang mga otoridad ang imbestigasyon sa kaso agud nga tigayon na nila nga malab-ot ang hustisya.
Madumduamn nga nangin alkalde sang Datu Unsay, Maguindanao si “Datu Aguak” nga bata naman ni Datu Andal Ampatuan Jr. nga amuh naman ang prime suspek sa Maguindanao Massacre.
Nagpanumpa kay Sen. Nancy Binay si Datu Aguak makaligad magpanog sa pwesto ang alkalde kag bise alkalde ng naturang bayan.
