KORONADAL CITY- Ginaduso subong sa probinsya sang South Cotabato ang pagpabaskog sang HIV/AIDS awareness ilabi na sa mga pribado kag pampubliko nga mga buluthuan.
Ini makaliggad nagpositibo sa Human immunodeficiency virus ukon HIV ang 13 ka mga senior high school students nga naghalin pa sa nagkalain-lain nga mga buluthuan sa South Cotabato.
Ginpahayag ni John Arlo Codilla, Provincial focal person for HIV/AIDS sa South Cotabato nga nagakadapat lang nga madugangan pa ang ihibalo kag awareness sang mga estudyante angot sa pamahog nga dala sang Human immunodeficiency virus ukon HIV kag acquired immune deficiency syndrome (HIV/AIDS).
Gin-insister sini nga wala nagakahulugan nga kun nagnegatibo sa HIV/AIDS ang isa ka persona mangin negatibo na ini sa balatian sa sulod sang malawig nga tinion bangud nagaka expire ang resulta sang HIV test sa tion nga makaangkon sa liwat sang unprotected sex kag iban pa.
Nahibaluan nga ang HIV/AIDS ang nagalaton indi lamang pinaagi sa pakighilawas apang makuha man pinaagi sa blood transfusion, pag-usar sang
contaminated intravenous drug paraphernalia kasubong sang syringes ukon pinaagi sa direct contact sa bodily fluids.
