KORONADAL CITY- Ginatutukan sa karun sang Integrated Provincial Health Office sang South Cotabato ang pagpositibo sang 8 ka mga estudyante sa highschool sa Human Immunodeficiency Virus (HIV).
Natkiban ang pagpositibo sang mga ini sa nasambit nga balatian pinaagi sa libre nga HIV test nga ginpatigayon sang IPHO South Cotabato kun sa diin naka avail ang mga ini usar ang ila parental consent.
Suno kay South Cotabato HIV/AIDS Focal person John Arlo Codilla, ang nasambit nga kaso sang HIV sa mga estudyante ang naghalin sa nagkalain-lain nga mga banwa kun sa diin apisar ginakabig nga makaalarma, mas maayo suno pa nga nadetect nga carrier ang mga ini sang nasambit nga balatian agud indi na mapalapta pa.
Posible nga nakuha sang mga menor de edad ang nasambit nga balatian bangud sa temprano nga pagsulod sa sexual relationship kag pag-angkon sang madamo nga sexual partners.
Napagkit naman nga kadamuan sa mga estudyante nga nagpositibo amuh ang mga myembro sang third sex.
